حاجات

أريد أن أطمئن أن لدي القدر الكافي من الحرية ..

-----

بين ال " أنا لازم ماكلش حاجة خالص، هبطل أكل تماما، حياتي من الآن مياه وخضراوات"

و ال "هذه الحياة لا تستحق، فليذهب العالم للجحيم ولأنعم أن بكل ما أحب من طعام"

----

عندي إحساس قوي إن ماما مابتحبنيش ..

----

اللهم امنحني القوة لتغيير الأشياء التي أستطيع تغييرها، والرضا لتقبل الأشياء التي لا أستطيع تغييرها، والحكمة للتفريق بينهم

----

أريد أن أعيش الحياة بدلًا من أن أقرأ عنها 

.

...

الفرجة على المسلسل متعتها بتقل كتير لما بقيت بشوفه لوحدي من غيره
تعبيرات الاندهاش لما حاجة تحصل والاسئلة المكونة  من كلمة واحدة زي الراجل؟" او "هي؟" ورغم كدا بتبقى كافية جدا اننا نفهمها"
تخمين تفسيرات للاحداث الغامضة اللي لسه ما وضحتش ولحظة الانتصار لما تفسير حد فينا يطلع صح
حتى تعليقاته الساخرة وتريقته على كل مشهد بين  اتنين محبين وانا اتغاظ واقوله انت عدو المشاعر

.....

أشيائي ومذكراتي اللي فقدتها بسبب الاحداث الاخيرة. بعضها تخليت عنها مضطرة وبعضها اتفاجئت باختفائها
ليه بحس ان الذكريات نفسها راحت وكأنها ماحصلتش لما اللي كتبته عنها يروح ؟

....
بتكلم في امور تافهة بالنسبة للموقف اللي احنا فيه
مسلسل ومذكرات؟ سيريسلي ؟

يمكن عشان لسه مش معترفة بإنه موقف حقيقي اصلا
بأؤجل القلق والبانيك لآخر لحظة
أم تراها تلك الأسطورة القديمة -اللي ما اثبتتش نجاحها ولا مرة ورغم كدا مستمرة بقوة -
أسطورة إنه تجاهل المشكلة ربما يجعلها تختفي؟