باقي من الزمن يومان
يومان to go
وأربعة أيام to fly :))
----
دايمًا المادة الأخيرة أطول مادة، حتى لو كانت عبارة عن 33 صفحة مذاكرة بس ، وده بيثبتلنا النظرية النسبية لآينشتاين.
----
الامتحانات مش مخلياني أعمل عملية الكاونت داون على السفر بتركيز، مش عارفة كدا انتظر واعيش كل لحظات الانتظار الطويلة المملة، كل امتحان بيشغلني بيه ، ومش هيتبقالي غير يوم ونصف استنى فيهم ، اللي هم بردو هينشغلوا بالتجهيز والاستعداد
طب وبعدين ؟ ها ؟ الواحد مايعرفش يستنى بضمير ؟
----
جبت كتاب امبارح ، وده مفرحني جدا ، جداا يعني ..
الحكاية كالتالي: زمان ، كان إني أجيب كتاب ده بيحصل كل فين ، فكان يوم شراء كتاب ده معجزة وأكتر حاجة بتفرحني في الحياة ، ثم زي ما بنعمل مع كل حاجة حلوة في الحياة، اننا نبوظها بتكرارها الكتير ، زي ما بتفضل تسمع أغنية عجبتك 135 ألف مرة فتزهق منها وتتشبعها لدرجة عدم احتمال استماع كلمة منها تاني ،
ده اللي حصل معايا ، ايه ده شراء الكتب ممتع جدا ؟ طب أنا كل يوم هجيب كتاب، لأ أنا كل يوم هجيب كتابين ، و جيس وات ؟ بالضبط ، بقى شراء الكتب بالنسبة لي حاجة عادية، ما بتفرحش زي الأول ، أنا بوظت متعتها بالتكرار المبالغ فيه
قررت آخد موقف، قررت أستعيد بهجة شراء الكتب ، بطلت أجيب أي كتاب لفترة طويلة ، طويلة جداا ، وامبارح كااانت العودة ، لذلك فرحت كثيرا جدا جدا
للغاية
وبحق
*سوري نبيل فاروق*
----
يا رب المادة دي تخلص يارب
انا بمشي فيها أبطأ من نت dial up اللي كان بيشتغل الساعة ب2 درهم سنة 2000
----
