Wednesday 10 June 2015

مش مهم

حتى لو أخرتي تاني يا ليالي في الأماني، عُمري ما هبطل جِناني ومش مهم 

يعني لو مطَّرتي هلعب ، في المطر ولحد ماتعب 
وأما أقع وأتهد وأغلب،  مش مهم 

يعني لو رفّ الحمام، هفتح الشباك وأنام 
وإن عييت مليون زكام مش مهم 

كل واحد عنده نيل، همشي ع الكورنيش وأميل 
أما كل الزحمة ديا مش مهم 

والقمر ده شكله عادي، مش هبص عليه الليلة دي 
يعني ليلة زيادة ضلمة مش مهم

أعلى ما في خيلي غُنايا، والا رأيك مش معايا ؟
وإن مكانش فَرأيك انت مش مهم