هبة وشيماء

أنا وحشني الخروج مع شيماء وهبة، خروجاتنا اللي تتعد على صوابع الإيد، بس كل مرة منهم بعشرة مع غيرهم .. 

وحشني لما لفينا في الزمالك بعد فطار رمضان وغنينا واحنا ماشيين بصوت على قدنا، وعلشان هم طيبين كانوا بيقولولي إنه صوتي حلو مع إنه مش كدا 

وحشني لما روحنا ديوان واتفرجنا ع الكتب من غير ما نشتري ..

ووحشني لما حضرنا عرض شيماء في الساقية وبعدها حفل توقيع د أحمد وقد إيه هم فاهمين الحب العبيط بتاعي للدكتور وعمرهم ما اتريقوا عليه 

تقريبا الزمالك عندي هي شيماء وهبة 

ووحشني لما روحنا اتفرجنا على بروفة شيماء، مع إنها مامثلتش حاجة في اليوم ده 

ووحشني يوم صلاة الجمعة في السلطان حسن والشطائر اللي هبة جابتها ..